Listatorg - Netskrif

Líklegt er að íslenska heiti netverslunarinnar verði nefnt Listatorg hér á landi. Hitt er að verslunin styður nánast hvaða tungumál sem er og því höfum við einnig tekið frá enska heitið Art4mart.

Við höfum velt fyrir okkur skipulagningu á þeirri þjónustu sem veitt er. Ef til vill er best að líkja þessu tækniumhvefi við hefðbundnar verslunarmiðstöðvar, sem nefndar eru “Mall” á ensku.

Við viljum helst að söluaðilar hjá okkur geti orðið eins sjálfstæðir og verða má og geti valið marvíslega þjónustupakka eftir hentugleikum. Eftirfarandi er í umræðunni:

• Að einstaklingar (einyrkjar) í hópi listamanna geti einfaldlega keypt sölu- og eftir atvikum þjónustupakka í sjálfri aðalversluninni. Slíkt væri þá sambærilegt að reka blómasölu eða einhvers konar sölu-og kynningarbása á göngum verslunarmiðstöðva. Þessi einyrkjasala ef kalla má hana slíku nafni getur auðvitað orðið misjafnlega umfangsmikil og mishátt upphafsgjald þá eðlilegt.
• Að hópar, formlegir eða óformlegir, samtök af ýmsu tagi og jafnvel gallerí geti keypt sölurými/sölubása sem væru að flestu leyti sjálfstæðar verslandir. Þær gætu svo keypt misstóra þjónustupakka eftir umfangi og eðli viðskiptanna.

Það sem gerir viðskiptasamtök af þessu tagi eftirsóknarverð er í fyrsta lagi sú hagkvæmni sem í því felst að sölukerfið byggist á sameiginlegum skráningargrunni. Ennfremur ætti samstarf um sameiginleg málefni og önnur einkenni sem gera félagsleg tengslanet (Social Networks) svo fjölmenn og eftirsóknarverð, að geta skilað árangursríku markaðs- sölu- og kynningarstarfi á alþjóðlegum vettvangi ekki síður en hérlendis.

Þá er vert að nefna mismunadi þjónustupakka og fræðslustarf á vegum Listatorgs. Margir eru þrautkunnugir WordPress og setja bara upp einfalda kynningavefi án hjálpar og blogga um sig og verk sín ekki síst. Aðrir eru skemur á veg komnir og sækja þá hjá okkur grunnnámskeið í að nota Netskrif og kynnast þeirri hugmyndafræði sem að baki liggur í viðskiptaskrifum á bloggvef sem þessum og þeirri samvinnu sem þarf til slík skrif skili árangri.

Nánari uppýsingar: thpalma@dreifmennt.is